तपाईँ सुन्दै हुनुहुन्छः

चीनमा ४३ करोड ५० लाखले कोभिड–१९ विरुद्धको खोप लगाए

फाइल तस्बिर
बेइजिङ । चीनमा मङ्गलवार सम्ममा कोभिड–१९ विरुद्ध ४३ करोड ५० लाखभन्दा बढी खोप लगाइएको छ ।
राष्ट्रिय स्वास्थ्य आयोगका अनुसार चीनको मुख्य भूभागमा स्थानीय स्तरमा कोभिड–१९ सङ्क्रमणका घटना देखिन थालेपछि खोप अभियानलाई थप तीव्र बनाइएको छ ।
दैनिक खोप लगाउने दर यही मे र १७ तारिखबिच झन्डै दोब्बर बनाइएको पनि आयोगले जनाएको छ । यी दिनहरूमा दैनिक एक करोड २० लाखभन्दा बढी डोज खोप लगाइएको छ ।
विश्वमै बढी खोप लगाउने मुलुकको रेकर्ड समेत चीनले बनाएको छ । संयुक्त राज्य अमेरिकामा हालसम्म बालबालिका बाहेक खोप लगाउन योग्य जनसङ्ख्याको झन्डै ५७ प्रतिशत अर्थात् १५ करोड ८४ लाखले करिब २८ करोड डोज खोप लगाएको अमेरिकी अधिकारीहरूले जनाएका छन् ।
विश्वभर हाल कोभिड–१९ विरुद्धको एक अर्ब ५३ करोड डोज खोप लगाइएको छ ।
कोरोनाभाइरस महामारीका कारण विश्वभर ३४ लाखभन्दा बढी व्यक्तिको मृत्यु भइसकेको छ भने १६ करोड ४३ लाखभन्दा बढी व्यक्ति संक्रमित भएका छन् । रासस

प्रतिक्रिया राख्नुहोस्

Back to top button