तपाईँ सुन्दै हुनुहुन्छः

प्यालेष्टाइन र इजरायल सम्बन्धमा कूटनीतिक अवरोध नगरेको अमेरिकाको भनाई

काठमाडौँ । अमेरिकी विदेश मन्त्री एन्टोनी ब्लिन्कनले हालै प्यालेष्टाइन र इजरायल समस्याबारे चर्चा गर्दै अमेरिकाले सुरक्षा परिषद्को सम्बद्ध कूटनीतिक गतिविधिमा अवरोध नगरेको दाबी गर्नुभएको छ ।
इजरायल र प्यालेस्टाइनबीच एक सातदेखि भएका द्वन्द्वका कारण २१५ जनाको मृत्यु भएको प्यालेष्टिनी स्वास्थ्य मन्त्रालयले जानकारी गराएको छ ।
चीनको परराष्ट्र मन्त्रालयका प्रवक्ता चाउ ली चेनले बुधवार इजरायल–प्यालेष्टाइन विषयबारे चर्चा गर्दै अमेरिकाले आफ्नो भनाइ र गराइ एउटै राख्न तथा ठूलो मुलुकको आवश्यक कर्तव्य बहन गरी प्यालेष्टाइन र इजरायल बिचको तनावपूर्ण परिस्थितिलाई खुकुलो पार्न, विश्वासिलो वातावरण निर्माण गर्न र राजनीतिक तवरले समस्याको समाधान गर्न वास्तविक भूमिका निर्वाह गर्न सक्ने बताउनुभएको छ । उहाँले अमेरिका इजरायल–प्यालेष्टाइन द्वन्द्व अन्त्यका लागि खुलेर अघि बढ्नुपर्ने बताउनुभएको छ ।
हाल चीनका परराष्ट्र मन्त्री वाङ यीले प्यालेष्टाइन र इजरायल समस्यासम्बन्धी आपत्कालीन सम्मेलनमा तनावपूर्ण स्थितिलाई निकास दिनका लागि चीनको तर्फबाट एक प्रस्ताव प्रस्तुत गर्नुभएको थियो । रासस

प्रतिक्रिया राख्नुहोस्

Back to top button