तपाईँ सुन्दै हुनुहुन्छः

टीकापुर अस्पताललाई अक्सिजन सिलिण्डर हस्तान्तरण

टीकापुर कैलाली । टीकापुर नगरपालिकाले टीकापुर अस्पताललाई २० थान अक्सिजन सिलिण्डर उपलब्ध गराएको छ ।

नगरपालिकाले टीकापुर अस्पतालमा कोरोनाका बिरामीको उपचारमा सहज होस् भनी २० सिलिण्डर अक्सिजन उपलब्ध गराएको टीकापुर नगरपालिकाका प्रमुख तपेन्द्र बहादुर रावलले बताउनुभयो ।

नगरपालिकाले यसअघि पनि अस्पताललाई २६ थान सिलिण्डर उपलब्ध गराएको नगरप्रमुख रावलले बताउनुभयो ।

टीकापुर अस्पताल परिसरमा निर्माण गर्ने तयारी सुरु भएको अक्सिजन प्लान्टका लागि समेत टीकापुर नगरपालिकाले २० लाख रकम विनियोजन गरेको छ ।

विभिन्न व्यक्ति, सङ्घसंस्था र स्थानीय सरकारले गरेको सहयोगले टीकापुर अस्पतालमा आएका कोरोना सङ्क्रमितको उपचारमा सहयोग पुगेको टीकापुर अस्पताल व्यवस्थापन समितिका अध्यक्ष दीपकबहादुर रावलले बताउनुभयो ।

प्रतिक्रिया राख्नुहोस्

Back to top button